Kavi man kar reha prahaar
Shrungar ras par karo vichaar..
Kavi ne man ko behlaya
Purva me main aavara kehlaya.......
Man ne zid liya thaan
Chedho kavi Shrungar taan
Kavi bechara ghabraaya
Ae man mujhe kyun fasaaya....
Ek din gaya main panghat
Suni achanak ghungru ki aahat
Jyo huye piche mere nain
Chiin gaye jeevan ke chain.....
Kandhe ghadha, dehh yauvan bhara
Sundar mukhdha, main mara
Khule bikhre the lambe bal
Dagmag-2 hirani si chal....
Nayan jheel, nasika meru, hoth gulab ki pankhudhi
Hath kangan, paanv pajeb,aisi thi wo kudhi
Meethi vani lagati chand char
Hans kar reha ghadha tutane ka intezar.......
Naabhi rasvaan, komal kaayaa
Dekh use chand bhi sharmaaya
Samne uske koi takhtotaaz nahi
Wo aankhe kaazal ki mohtaaz nahi....
Hasti wo to kaliyaa muskuraati
Vaibhav dol padhta jo wo gaati
Na sharer par kanak ka tukadha
Fir bhi adbhut tha wo mukhadha....
Kalam nahi hai itna balvaan
Uski sundarta kar paye bakhaan
Such jaayegi samandar puri
Varnan rahegi fir bhi adhuri.....
Kya rati, kya menaka aur rambha
Dekhte hi sabko ho jaye achambha
Sabke nazaren thi us par gadhi
Pehle kahan thi wo pari......
Tabhi sun vriddha ki pukaar
Pari gayi ghar ko sidhaar
Rat wo khabo me aayi
Subah panghat ki daudh lagayi....
Aaj fir se hua saveraa
Dikha kyun nahi chehra tera
Har subah ki hoti hai shaam
Laut jate hain log tamaam....
Ek tha panghat par jann aisa
Dhuni wahin ramaaya rehta
Bachi rehi ab ek hi aas
Wo ghungharu kanno ke pass...........
Subscribe to:
Post Comments (Atom)
No comments:
Post a Comment